حكاية حبنا

أنا مش هااشحت مشاعرك

ولا عمري شحتَّها

ولا يوم هااستجدي عطفك

ده انا اموت من قبلها

ولو كلمة بحبِّك 

قلبك مش حسَّها

تحرم على قلبي مهما

بشفايفك قولتها

أشواقنا كانت دفانا

في ليل البردانين

والهمسة ساعة لقانا

بتدوبنا ف حنين

كان حبي ليك حكاية

يحكيها العاشقين

ليه وصلته النهاية..

راح من ايدينا فين ؟

 لو كان حد فحياتك

خد من قلبك مكاني؟

راح ألمّ شظايا حبِّي

وكفاية جراح هواني

وابكي بدموع عنيا

على حب زمان داواني

وسكنت فيه وقلبي

كان ساكن طول زماني

ارجوك قول الحقيقة

مااقدرش اعيش دقيقة

على وهم الحب تاني

****

نور الحرف

منى

ياشاعري

أنا لسْتُ مُهْمَلَةَ المَشَاعِر

فمشَاعِرِي فَجْرٌ

يَشُقُّ بِنُورِهِ الَّليْلَ الطَوِيْل

بُرْكَانُ شَوْقٍ تَحْتَهُ عِشْقٌ جَمِيْل

وتَدُقُّ أَجْرَاسُ الهَوَى

حَتَّى هَوَى قَلْبِِي

بِبِئْرِ المُسْتَحِيْل

حُبٌ قَتِيْلٌ..

بَلْ عَدَم

حُبُّ تَمَخَّضَ عَنْ حِمَمْ

بُرْكَانُ قَلْبٍ وَاحْتَدَمْ

مَاكَانَ قَلْبِي بَارِدَاً

بَلْ نَاسِكَاً لَكَ وَانْصَدَمْ

فَمَشَاعِرِي يَاشَاعِرِي

نُثِرَت بِأَرْجَاءِ الطَرِيْقِ

مَابَيْنَ قَلْبَكَ العَنِيْد

وبَيْنَ قَلْبِي الغَرِيْق

سُفُنٌ بِصَخْرٍِ تَرْتَطِمْ

 ****

نور الحرف

منى