ليه ....كل مرة ؟؟

ليه كل مرة.... ماتسأليش

لو مرة تيجي تسلمي

... تتكلمي

كلمة واحدة

اسمعها ما... تنسانيش

رحلة حياتنا... وأمنياتنا

سنين طويلة..صبرنا فيها

عشان نعيش

فاتت ومرت ...واللي خلت

لحظه... ف هوانا

قصاد عنادنا... ماتساويش

وبعدنا تاني....لدنيا صعبة...

الحب تايه... فوق شفاهنا

ما يتحكيش

مات فينا بكره

فاتت حياتنا ومعاها ذكرى

حلمنا يوم.... جوه القلوب

نزرعها شجرة

ماتترويش

إلا بحنانا.... وبشوق كيانا

بهمسة منا...بلمسة جايه

مابين إيديا

وجوه قلبي

عليها اعيش

*************

نور الحرف

منى 

م النهاردة

م النهارده

كمان وبكره

وبعد بعْدُه

قلبي تاب من كل دقه

تجيب له سيرته

هانسى وعده

وكل همسة سمعها منه

قلبي جف...خلاص

تعب من كتر هجره

قسوه  بين حنيته

زادت في بُعده

م النهارده

مفيش حنان

راح يسبقه

ولا نظره مني

 ورا كلامه تصدقه

موّت لي حلمي ف أوله

مالحقت مره أكمله

ماتت معاه دنيا

ياما حلمت بيها

دنيا عشت العمر كله

نفسي فيها

تاخد بإيدي

للهنــــا

لقيتني جوه النار

وباتعذب أنا

مادوقت إلا مرار

وباقاسي الضنا

 ****

نور الحرف

منى