أوزوريس

إنِّي انتظرتك

ألف عام ثم عام

وعبرت سنوات

انتظاري

بزورق صبري

وشراع أملي

بحثت عنك

وجمعت أشلاءك

من جهات الأرض

اوزوريس

حبي الوحيد

لِمَ لم تدب في جسدك الحياة ؟

قمت بجميع المراسم والطقوس

أشعلت في قلبي نار الشوق

وأشعلت في جسدي ثورة الحنين

وما عدت

اوزوريس

كم أحتاجك يا مليكي

أشتاقك يامليكي

أنتظرك يا مليكي

كي تسبق الشوق لقلبي

كي تحتضن حنيني

بين ذراعيك

أنتظرك

لتعيد إليّ نفسي

بعد طول فراق

اوزوريس

أحبك

فأقبل إلي

فأنا أنتظرك

*********

نور الحرف

منى

تياب الحلم

من أول حرف

ف أول سطر

والقلم

الرافض ذله

بيرفض زمن القهر

من أول كلمة

سؤال جوايا

 بيحفر حفر

من إمتى الميت من حقه

يصرخ من بعد الموت ؟؟

من امتى يبان الحق

ف زمان مشنوق؟؟

عاش عمره جراح

وبصوت مخنوق

قال جاي يتحرر بعد مامات

وحتى ان مات

مين بعد الموت

راح يزرع همسة صوت

ف قلوب مظلومة

مين هاينادي الشمس الدافيه

ف عتمة ليل

والناس محرومة

مين هايصدق ان حطام البيت

كات في الأصل

حيطان مسمومة

ماتت جوه قلوب الناس

أحلام مكتومة

صرخت

جوه حدود الخوف

ويارييت بتشوف

طب إمتى الناس

ف تياب الحلم تنام

امتى العين

هاتلاقي قصادها براح

ويغمض فيها الرمش السارح

فوق أنهار الحلم الأخضر

مهما ان راح

يا نجوم الكون بصي لي

ونوَّري ليلي

وافردي توب الفجر قصادي

تقيد قناديلي

وابعتي كل طيور الكون

تنشد مواويلي

مهما ان طال الظلم ف جوفنا

مهما ان عشش  فوق شفايفنا

كلمة حق هاتطلع منَّا

حتى ان موتنا

راح يفضل حلمنا طول العمر

طول العمر

*****

نور الحرف

منى

قلبي مــــــــــــــــات ....

فاكر اني مش هااعيش

في البعد عنك

عارف ان قلبي مات..؟؟

كان موته منك.

فاكر ان

كل نظرة باشوف عينيك

فاكر ان أي كلمة

باقولها ليك

فاكر ان

دق قلبي كان عشانك

فاكر ان نبض روحي

من حنانك

فاكر ان خلاص خداعك

كان سراب

فاكر ان قسوتك..

طعنك لقلبي كان عتاب

فاكر ان لما تقتلني ببعادك

اني هااضعف

ولا هااتذلل قصادك

لا.... ياعمري

ياللي كنت بعد عمري

قلبي مات وخلاص  دفنته

مابين ضلوعي

نبضي غاب

مش هااقبله

لو قال رجوعي

وحلفت لك

بكل يوم حبيت هواك

كل يوم قلبي انخدع

ف بحور رضاك

قابلتني طعنه في الصميم

مات فيها قلبي

أحسن ...

عشان هو السبب

وسمح لحبي

***

نور الحرف

منى