مزقوني ألف ألف
وانعتوني بالغباءْ
وانزعوا الشريان قسرا
واشربوا منه الدماءْ
وادفنوني دون خوفٍ
بين ظلمٍ وافتراءْ
وابعثوا قابيل منكم
ولتقيموا لي العزاءْ
قد وضعتم نعش قلبي
وانزويتم بالبكاءْ
قسموني ألف جزءٍ
وانثروني في الفضاءْ
قد تناسيتم وفائي
وانطوى عهد الوفاءْ؟
****
نور الحرف
منى
مد إيدك جوه منِّي
خد دمايا ...اتوضا بيها
شق قلبي من ضلوعي
وافرشه وصلِّي عليه
****
مد ايدك جوه منِّي
واقلع تقاوي محبتي
وازرع بدالها دمعتي
وارفع آدان الغدر
لجل ما تنادي لقابيل
ويرد بيه
****
مد يدك.... كل همّك
نقطة الدم ف عروقي
وف شروقي
يتحجب عنِّي ندايا
تزرع الغل ف سمايا
تنده الطير اللي
علِّم
يدفن الحزن.. بإيديه
***
مد إيدك جوه منِّي
وغصب عنِّي
دمعي سايل ... فوق خدودي
مش مصدق
إن عشنا كلنا
لقمة واحدة ف جسمنا
لمة واحدة تضمنا
ازاي هاننسى عمرنا
وننسى اللي فيه
*****
نور الحرف
منى
عمر القسوة ماكانت طبعك
ولّا عوايدك
ولا أخلاقك
عمر النبض الساكن قلبك
يوم يستغرب
إحساس جالك
داعب وتر القلب ب رقة
زود دقة جوة ضلوعي
وزود جوه ضلوعك دقة
لخبط كل مسار النبض
زلزل بيه كل الشرايين
يسري الدم ف قلب عروقك
جوه وريدي
بيني وبينك مش فصلين
ممكن فعلا
جايز فعلا
ان ربيع هيحب خريف
وها نتحدى الشتا ببروده
وها نتحدى حرارة الصيف
ونعيش سوا
في الحب اتنين
ويكون لينا
الفصل الخامس
****
نور الحرف
منى
