ليه بتلفّ وليه بتدور
قول على طول
إن القلب بيسمع نبضِك
وان الروح بتناجي ف قلبِك
يوم ورا يوم ....
مش قادرة تقول
إني بحبِّك
وان النبضة الدايبة ف قلبي
بتهتف باسمك
وان مراكب عشقي التايهة
بترسى ف شطِّك
وإن جميع أحلامي
ف ليلي
أو ف نهاري
بتجري ف دمك
وان كلامي
حروف أقلامي
ف بحر مشاعرك
غصبن عني
روحي فاتتني
وراحت جنبك
....
قول ما تخافشي
مهما مشاعر قلبك كانت
جوه ف قلبي....
ليها مكان
مهما ها تسأل مليون حاجة
قلبي يدلك ع العنوان
تمسح كل الحزن النايم
ف الشريان
تغسل كل دموع القلب
من الأحزان
تزرع نبته حب
ف قلبي
وتسقى فروعها
بشوق وحنان
تفرش ضلة
لشعاع شمسي
ينور قمري
ف كل مكان
..........
نور الحرف
منى