وقدرت تنام...!!
وتغمض عينك بين لحلام
وضميرك راضي..
ومشاعرك عادي
وكأن حروف الشوق
في كلامك كات أوهاااااااااااام
وكإن النظرة ف نن عنيك
ماشافتش هيام
والرمش السارح
جوه دموعي
ليلاتي ف فكره
ومش بينام
ومشاعري الكامنة
ف كل ضلوعي
عليا حرام
..........
طمن قلبك
واتهنى معاه ويّا الأحلام
بكره هاتتمنى
يكون ما بينَا بس كلام
أو همسة تدوِّب مشاعرنا
ف حنين وغرام
روح خبِّي الحلم
مابين الرمشين والنني
وابقى قابلني
لو جالك طيفي
ف مواعيده
أو جه عيده
من بعد صيام
....
وياويل الجرح
أما بيصرخ من بعد ماطاب
وينادي جراح القلب
اللي ما
ينفع
في دواها عتاب
ماتنام ماخلاص قلبي عصرته
خرجتك من جواه بعذاب
وكويت الجرح اللي غدر بي
وهجرت الحب وأيامه
كل غرامه
كان كله سراااااب
.....................
منى الغريب
