حَرْفِي عَلَى سَطْرِ الجَمَالِ يَطِيرُ ...للحُبِّ مَنْدُوبٌ أَنَـــــا وَسَفِيــــــرُ
جديد
21/07/2014
يا غـــــزة .... أنا آسف
مفيش بإيديا أي قرار
ولا بإشاره من عيني
أوقف فيكي ضرب النار
وما تحطيش أمل فيا
أمل ماتت
وسابت جوه حلقي مرار
ولو قالوا علينا اخوات
كإنا في جسد واحد
بلاش الكدبة نسمعها
ولو في يوم شكت سوريا
سودانا يحس بوجعها
وإن النيل بيروينا / يغذينا
ويجري ف كل منابعها
كلام أوهام
بلاش تبني ف أحلامك
وخيبة هناك توقعها
..........
يانن عنينا ياغزة
يا أرض بتتزرع عزة
يا إيد مليانه بحجاره
وبالعفة بتتغذى
ده لو قالوا صلاح الدين
بطل حطين رجع تاني
نقول جايز
ولو قالوا شموس الحق
راح تسطع بشوارعنا
تنور سكة العاجز
ولو قالوا قمر ليلك
صبح بركان على الأحزان
أقول عايز
بساط أخضر لزيتونك
وعطر الأقصى ف عيونك
ياأول قبله صلينا
وآخر أمنيه لينا
نحرر أرضك الطاهره
نعطرها بدم شهيد
وألف شهيد
وبالجنه أكيد فايز
.................
منى الغريب
صرخة وليد....
صرخة وليد بين الحطام
نادت قوام ويّا الألم..
صرخة وشقت
بين ضلوع... الإحترام
لكن صداها.... كان عدم
تاهت مابين
وهم الحدود
أسوار جحود
عدم اهتمام
والرعب لتزول
النعم
الصرخة بتنادي الجهاد
لاقت الجهاد
فوق الفراش
بين الوهن
لاحت سيوف الذل
من بعد الكرم
لجل ماتحصد رقابنا
لجل ما تطعن قلوبنا
لجل ما تصرخ
وتملا الكون
بأهة
من عذابنا
..........
صرخة وليد
بين الحطام
دمعة عينيه فوق للسما
يارب انت المنتقم
بكت السما من شكوته
نزل المطر من ربنا برحمته
نام الوليد
من غير ماياخد رضعته
للجنة في يوم الحساب
الرضعة كانت سبقته
....................
منى الغريب
الاشتراك في:
الرسائل (Atom)