ياللي هتموت ع الجنيه
الكفن مالوش جيوب
إيه يفيد القرش إيه
يوم ماترجع بالذنوب
تتملي صفحة كتابك
راح تزيد وقفة حسابك
يومها ماهتقدر تتوب
....
مافي شيئ ف الدنيا دايم
وإن جريت جري الوحوش
مش هاتاخد غير نصيبك
رزق غيرك لن تحوش
......
للفقير
حقه ف مالك
هو رزق
الله إليك
إن تجود
بالصدقة حالك
راح
يزيد والبركة ليك
...................
تقِّل الموازين بكلمة
تبتغي فيها الإله
عطَّر الخدين بدمعة
في التراب إحني الجباه
........
يوم لقا ربك ميزان
كفه ذنب وكفه طاعة
والرسول واقف عشان
يسأل الرحمن شفاعة
.................
لو تطيعه يكون مصيرك
جنته أجمل ثواب
وإن عصيته هاتلقى ناره
وانت مش حِمل العذاب
.............
منى الغريب
