جديد

17‏/12‏/2015

قطع لسانك




قطع لسانك
أيوه  الجملة داهي علشانك
سيرة الناس ليه مش بتسيبها
هي الغيبة دي من إيمانك
تفضل لت وعجن ف قعده
شفتو فلان بيحب فلانة
وفلان متجوز كام واحدة
وفلان بيبصبص لفلانة
خلي لسانك جوه ف جوفك
إياك يخرج بره مكانه
كل الناس مش طايقة تشوفك
جواك غل سبق غليانه
احفظ أدبك وامسك طرفه
خلِّي كده الإخلاق عنوانه
..........
قطع لسانك
عرض الناس مش لعب عيال
علشان بكلامك تغتابهم
يوم الآخرة ازاي هاتقابل
رب كريم هايرد حقوقهم
يومها هاتعمل إيه لو قال لك
بعد مماتهم كُلْ ف لحومهم
حاسب نفسك من دلوقتي
قبل الموت مايجيك ويجيلهم
واستسمح كل اللي اغتبته
لو سامحوك افرح وادعيلهم
واستغفر ربك يغفرلك
وذنوبك بالتوبة يشيلهم
.......
 منى الغريب

رياح اليتم




لو هاانادي ألف مرة
مش هايوصلكم ندايا
دي الحياة حواليا مُرة
وانتوا اصلا مش معايا
بابا اصحى عايزة ابوسك
جوه حضنك واستخبى
وبايديك الدافية طبطب
فوق همومي حبة حبة
مين يصد معايا خوفي
لو رياح اليتم هبَّة ؟
مين هاينصحني ف حياتي
جاية كل سنيني صعبة
......
وانتي يامَّا ياللي قلبك
منبع الحب ف حياتي
كنتي روحي ونور عيوني
كنتي أجمل ذكرياتي
كنتي من نومك تقومي
لو ف عز الليل عشاني
حلمي مايحلاشي إلا
وصوتك الدافي ف وداني
غبتي عني وف عيوني
كوم دموع والقلب خايف
بعد منك مين يطبطب
مين دعاه ملو الشفايف
......
رد يابا... قومي يامّة
قلبي مش عايز يفوتكو
دي الحياة بعديكو ضلمة
جبت فرشي ونمت بينكو
روحكوا هاتزيل أي عتمة
وان بردت أحضن ترابكو
وان بردت احضن ترابكو
...........
منى الغريب


قال





قَالَ انْتَظَرْتُكِ وَالهَوَى أَبْلَانِي
جَسَدِي عَلِيلٌ وَالْفُؤَادُ يَعَانِي

والضِلْعُ فَارَقَ صَحْبَهُ مُتَأَلِّمًا
إِذْ بِالدِّمَاءِ تَدَفَّقَتْ أَحْزَانِي

قَدْ فَاضَ شَوْقِي بِالْحَنَايَا هَائِمًا
هَلَّا أَعَدْتِ الرُّوْحَ لِلْوِجْدَانِ

قال الْفُؤَادُ : وهل لنبضي من يدٍ
فَاضَ الْوَرِيدُ مسابقا شرياني

وَالنَّفْسُ تَهْفُو لِلِّقَاءِ وَتَكْتَوِي
والقلب يصرخ من جوى التحنانِ

قَسَمًا بِقَلْبٍ أَنْتَ تَمْلِكُ نَبْضَهُ
أَنْتَ الْحَبِيْبُ فَلا حَبِيْبٌ ثَانِ
…….

منى الغريب
 

01‏/12‏/2015

صرخة أم







وجـعٌ تـوسَّـد مُـهْـجَــتـِـي وفُــؤادِي
وَصِراخُ صَمْتِي ضَاعَ فِي الأَشْهَادِ

هـَذَا وَلِـيـدِي لِلْـرَدَى مُــسْــتَــسْــلِــمٌ
مـَابـَيـْنَ أَحْـضَـانِ الـمَـلائِكِ غَـادِي

وَكَـمْ وَلِــيــدٍ مـِـثـْـلِــه قـَـدْ أُوْدِعُــوْا
تُـرُبَ الْلُـحُـودِ بـِأَطْـهَـرِ الأَجْــسَــادِ

يَنْعِي إِلَى الـدُنْـيـَا هَـوَانَ شُـعُـوبِـهَـا
يـَـنْــعِــي الإِبَــاءَ وَعِــزَّةَ الأَجْـــدَادِ

أَوَمَنْ يَـصُـولُ بـِخِـسَّـةٍ وَوَضَـاعَـةٍ
وَيـَـدَاهُ تَــرْفَــعُ رَايَــةَ الأَحْــقَـــادِ ؟

لِلْعُرْبِ يُمْـسِـكُ بـِالـكَـرَاهـَةِ مِـعْـوَلًا
لِـيَـدُكَّ أَقْـصَـانَــا عَــلَــى الــعُــبـَّـادِ

وَيَمِيلُ صَوْبَ الـغَـرْبِ فِـي أُكْـذُوبَـةٍ
وَالغَـرْبُ لَايُـعْـطِـي بِـلَا اسْـتِـعْـبَـادِ

.......

منى الغريب