وسامحوني
على المنظر
على دمي اللي ساح
منكم على وشي
وسال وديان
..
على قلبي اللي..
وقفت دقته تشكيلي
من ظلمك
بني الإنسان
...................
أنا ابنك ولا لاقياني
في وادي التوهة
والنسيان
...
أنا ابنك
من صميم صلبك
ومش مخلوق
من الطغيان
....
رفعت الكف للمولى
بشكوايا
في كل مكان
بسوريا ، والعراق
بورما.....
وفي لبنان
...
ماليش انا دخل ...
في حروبكم
ولا أطماع بخزاينكم
أنا انسان
....
مانيش عايز
سوى
أنفاسي حرية
في كل أوان
...
أبات آمن على
نفسي
واقوم من نومي
والقاني
مابين الأهل
والخلّان
...
مخافشي من
صاروخ ييجي
ويحرمني سنين
فرحي
واعيش متهان
...
يا اكون بين
الحطام
جسما
وروحي فوق لدى
المولى
وهو العادل
الرحمن
.......
منى الغريب
ولإنك بالنسبة لي
نقطة ضي
ف عتمة روحي
ولإنك وحدك حي
مابين أفكاري وقلبي
وبوحي
ولإنك
لما قابلت سحابة حبك
طابت بعد آلامي
كل جروحي
.....
ولإنك نقطة ضي
ف عمري الجاي
وعمري الرايح
وطريق مفروش
حواليا بزهر وفل
وأحلى روايح
ولإنك بدري وفجري
وبستان حبي
الطارح
.....
فكرت بحبك ليا
هاانسى دموعي
وأعيش ايامي
من لحظة قلبي ماحبك
دابت فيا جميع
أوهامي
ولقيتك بالنسبة
لي الحرف الناقص
وسط كلامي
ولقيت العين تشتاق لك
وبقيت طيف
لجميع أحلامي
ولإنك نقطة ضي
قلبي مسلم لك
ف غرامي
....
منى الغريب
ياريت
تحكي لي
عن حالك
ومين ساعدك
ف ترحالك
ومين اللي
بروحه شاريك
ومين ع البُعد
أوحى لك
....
ومين اللي
يشيل همك
ومين اللي
يادوب ضمك
ومين فيهم
هدر دمك
ومين قلبه
مايصفى لك
...
ومين علَّا
في بنيانك
ومين صلَّح
على شانك ( علشانك)
ومين خافك
ومين شافك
ومين زوِّد
في احزانك
....
ومين اللي
بنى خطك
ورسّى سفينه
على شطك
ومين خطا
ومين وطى
ومين قلمه
يادوب خطك
.....
ومين سابك
على دمعك
ومين اللي
طفا شمعك
ومين قال لك
ومين عاد لك
ومين اللي
ف نداك سامعك
.....
بعادك
م البدا غلطة
وهجرك للوطن
مرفوض
ياإما تخاف
ونتغطى
ياإما ع الملأ
موجود
......
كفاية هروب
من الواقع
كلامي ليك
يكون دافع
عشان
شمل الوطن يتلم
واسمه
في الوجود
راجـــــــــــع
......
منى الغريب
