صرخة طفل

ابني الصغير صِحي

من نومه كان مفزوع

جريت عليه بلهفتي

فكرته مات م الجوع

قربت منه عشان أضمه

قال بصوت موجوع

صحاني يامة صوت الرصاص

مش م الألم والجوع

ياأمه خديني في حضنك

ده أنا ماليني الخوف

وغيَّري لي هدومي

ده أنا في الجراح ملفوف

ياأمه ونادي إخواتي

على مداد الشوف

يمكن يزول الألم

والمرار م الجوف

ياأماية هاتي القلم

ومعايا كراستي

ونادي أخويا الكبير

وديني مدرستي

بكت أمي وقالت :

ماالمدرسة هدوها

نزل عليها صاروخ

والأنقاض شالوها

شالوا مع التختة

أحلامك وخنقوها

إبني الصغير كبر

وقال لي ياأمه خلاص

من النهاردة ياأمي

مش عايز الكراس

هاأسيب قلمي

وأسيب حلمي

كبرت ياناس

مادم شايفني بتعذِّب

وجوة بلادي بتغرَّب

وكل الدنيا .. راح تشجب

وبتندد .........وهاتندد

لأخر طفل فينا

يا نــــــــاس

=========

نور الحرف

منى

مفيش جدار

يَابَلَدْنَا كَلِّمِيْنِي
وَفَضْفَضِي
فُوْق كِتْفِي
حُزْنِك

وِانْسِي دَمْعَة
اتْسَلْسِلِت مِن
فُوْق خُدُوْدِك
غَصْبِ عَنِّك

انْسِي خُوْفِك
سُوْء ظُرُوْفِك
اتْكَلِّمِي
دَا انَا حِتَّة مِنِّك

&&&
مَاتْخَافِيْش
مِنْ ضَلْمَة تِيْجِي
بَعْدَهَا جَاي النَّهَار

مَاتْخَافِيْش
اخْوَات وعِشْنَا
العُمْر كُلُّه
فِي انْتِصَار

مَاتْخَافِيْش
احْنَا دَايْمَا
إيدْنَا وَاحْدَة
مِشْ هَايِفْصِلْنَا جِدَار

&&&&

ياَبَلَدْنَا مِدِّي إِيْدِك
واحْضُنِيْنَا
وامْسَحِي بِإيْدِيْكِي
دَمْعَة مِنْ عِنِيْنَا

وَلَمْلِمِيْنَا
جُوَّة قَلْبِك
وِاجْمَعِيْنَا
هُوَّ بَسْ الأُم
إِنْك تِطْعِمِيْنَا
تِشَرَّبِيْنَا

دُوْرِك الأَكْبَر يَاأُمِّي
لَمَّا نِبْعِد
عَنْ عِنِيْكِي
بِتْنَادِيْنَا...
تِصْلِحِيْنَا
إِنْ شَاالله
حَتَّى تِضْرَبِيْنَا


المُهِّمْ يَابَلَدْنَا
مَاحَدْ يُوْم
يِضْحَك عَلِيْنَا
=======
نور الحرف

منى

تلاقينا

تلاقينا

بلا موعد

وعند لقائنا

عبرت

رماح الشوق

من عينيك ترمقني 

تحاصرني

تحاورني

أهرب من نظراتك 

فتحاصرني في إبصاري

أهرب من بسماتك

فتطاردني في أفكاري

أين المفر منك ؟

عيناك أريد

شفتاك أريد

همساتك أبغي

وحديثك عيد

&&&

نور الحرف

منى