معركة حروفي

تترنح الكلمات في فمي

تتوقف في حلقي

تتأرجح تلك الحروف الهائجة

في معركة ضارية

بين أضلعي

في بقايا مساحات قلبي

في حدائق عقلي

تنبت زهرة مستحيل

ترويها دموعي....

 و قطرات من دمي

سكبتها شراييني

في أثناء معركتي

وكل ضحاياها

حروف محطمة

وكلمات مجروحة

ونفس تنعي

وروح تولول

على حبي العقيم

وبقايا من بقاياي

والآف الأسئلة المولودة

من صمتي

يعلو صراخ الصمت رويدا رويدا

حتى يصم آذاني

ويفجر مابقلبي من براكين

وتقفز أسئلتي من حولي

وتتسابق لإجابات مستحيلة

عمري محطة انتظار

لقطار لن يأتي أبدا

قلبي حديقة أشجار

لثمار لن تنبت أبدا

نبض عروقي

صرخات استغاثة

لإنقاذ لن يصل أبدا

أوتار قلبي ممزقه

فكيف ب لحْنِه بلوغ الرُّبا

عيناي ضلت طريق الإبصار

قدماي سارت  بلا هُدى وحيدة

في معركتي

بلا جند

ولا سلاح

ولا

أنا

 ****

نور الحرف

منى

كلمة آسف

المرة دي مش هااقبلها

كلمة آسف لو هاتقولها

المرة دي قلبي رافضها

كلمة وكل شوية تعيدها

هو أنا ايه ؟؟

قول ..واتكلم

فاكر قلبي حجر صوان

عمر الكلمة  عليه ماتعلِّم

قسوة قلبك تشوي حياته

تصبح نار فيها بيتألم

إنسى ف يوم إني هاصالحك

او روحي هاتقدر وتسامحك

هاتشوف جرحي يقابل جرحك

والقي الغيرة بتملا  ملامحك

ازاي حبي ف قلبك يكبر

ويَّا الغيرة ف قلبي ويحضر

ساعتها هاتعرف وتقدر

ان الغيرة سلاح مش اكتر

وإن الحب معاها هايخسر

****

نور الحرف

منى

قلبي شافِّك في المنام

قلبي شافِّك في المنام

قلت لِك أحلى كلام

قلت راجع تاني ليكي

وآدي قلبي بين إيديكي

صفحة بيضا خُطِّي فيها

كل أشواقِك وحبِّك

ضحكه حلوه نسِيها قلبِّك

لما قَلْبِي غاب عليكي

غِبت عنِّك بس روحي

ساكنه روحِك..صدَّقِيني

كل أنفاسي وبوحي

ليكي إنتي ياضيّ عيني

كلّ أحلامي ف بُعْدِك

شوفت فيها حب قلبِّك

دوقت جنه نعيمها قربِّك

ياللي أحْلامي فْ عنِيْكِي

رمْشِي يُحْضُن نَظْرَه فِيْكِي

لما ينْطَقْ حبِّي ليْكي

آه بَحِبِّك

ياللي حُبِّك

فتَّح الورد ف إيْدَيَّا

يملا كل الكون عليَّا

هنَّا قلبي

دفَّا روحي

بادعي ربيِّ كل ثانيه

ما انحرم من عطف قلبِّك

&&&&

 نور الحرف

منى

إوعى النار

فتَّح عنيك

شوف حواليك

مين راح فينا

يقِيد النار

مين هايكابر

ولا يعافر

مين هايعوم

ضد التيار

اسأل نفسك

مين بتحبُّه

مين بتْرِيْدُه

مين هايخلِّي

الكل عَبِيْدُه

ولا نعيش

 على طول أحرار

***

إوعى النار هاتزيد

ف هدومك

كنت فاكرها

هاتمحي همومك

نار بتفرَّق

نار راح تحرق

نار بتْطَقْ

 ف عينَّا شرار

***

نار جايالنا

من أعادينا

كل مُنَاها

تولَّع فِينا

لجل ماتجري

 بسرعة علينا

وتقول إيه؟

إلحق ياأخينا...!

مصر ده فيها

سلاح ودمار

إصحى يامصري

إوعى لروحك

إجري بسرعه

وداوي جروحك

إيد على إيد

راح تبني صروحك

بعزيمه وقوه

وإصرار

****

نور الحرف

 منى

نهاري المستحيل

قلبي مش قادر ينام

 
دقته مش بالتمام

 
قطر جوه ضلوعي خايف
 

نبضه واصل للشفايف
 

تحكي عنه تقول حرام
 

اللي يهجر يوم حبيبه
 

ولاّ ينساه الغرام
 

قلبي ورده
 

بس فارده قلوعها فوق مركب حياتي
 

ناقشه فوقها ذكرياتي
 

عايشه فيها سنين ولكن
 

شوفت منها كتير آهات
 

بكره جايز ييجي أحلى
 

هي رحله بنشترك فيها بجروحنا
 

وبإيدينا نداوي روحنا
 

لو هايبلعنا السكات
 

مش هانندم ع اللى فات
 

جايه شمسه تدفي بَرْدُه
 

جايه نسمه تصحي وَرْدُه
 

جايه ضحكة تترسم فوق القلوب
 

جايه دقه وراها دقه
 

جوه قلب برئ يادوب
 

حلمه نام في عيون ملاك
 

ناديت على بر الأمان
 

إنسان وراضي بقسمته
 

يوم  فرحته 
 

دي دنيته
 

لمَّا تلقاه العيون بالإبتسام
 

لو ينام الحلم ف رموش الدفا
 

لونلاقي الضعف جوانا اختفى
 

نسمع اذان الفجر  من بين السكون
 

بيشق ضلمه ليل تعذب في الجفون
 

يضحك نهاري المستحيل
 

ومعاه دليل
 

ان الإراده والعزيمه
 

بألف طعم وألف لون

***********

نور الحرف

منى

حـــــــــــلم

تيجي ف.. حلمي

 أشوفَك علم 

بتقول لى باحبِّك..

أنا مِلْكِك

أنا عايش علشانِك إنتِ

داالقلب يدق يقول اسمِّك

والعين بتسبح ولو انك..

الماظه بين التسابيح

وان جات ريح..

وتحاول يوم تصرخ جنبك

تقتل فجرك

تلاقيني يانور عيني الضيّ

ينطق قلبي يقول لك جَايّ

ضلّه لشمسك

ياللِّي الشمس ضفاير حُسْنِك

وابقى الفجر لكل حواسِّك

وان تاه منك حرف ف سطر

دمِّي هايصبح / نهر لحرفك

روحي تشوفِك مليون فجر

يسقي الزهر

يحصد عطر

من همسات تنطقها شفايفك

لمس ايديكي

ولاَّ عنيكي...

بحر حنان ومالوش شطين

والرمشين..جناحين لملايكه

تحضن موجه بتجري لشطك

واما أخُطِّك على أوراقي

نور البدر يِغِيْر من رمشك

تسرح من إيدي الألوان..

تطلب وِدِّك

واما اجدلك أشواق شِعري / 

حروف لمشاعري...

هارسم بدر

وارسم فجر

هارسم كل حروف الشِعر..

حوالين قلبك

******

نور الحرف

منى