وشافوني ف يوم
ماشية لوحدي
قالوا : ياعيني
اهو فاتها وراح
ولا هوش راجع
والعقل أكيد ..
راح منها يتوه
ودموع العين ..
هتسيل أنهار
معلش حبيبي
مايعرفوناش
ولا يوم كانوا زينا عاشقين
ولا داقوا الحب
كاسات لحنين
ولا إنك ساكن في النني
وطيفك حواليا
فين مابروح
وكإنه الظل ف شمس نهار
بحنانك والشوق محاوطني
مش لازم نمشي قصاد منهم
والإيد في الإيد
ماانا اصلي بخاف نظرة عينهم
كالنار بتقيد
وانا قلبي من طبعه
الطيبة
اكمني حبيبة
نفسي اخبيك
نفسي احطك في حبابي العين
واتكحل بيك
نفسي اضمك بين الضلعين
ولا يوم يشوفوك
احسن ياحبيبي
حاسدني
حاسدني عليك
...
منى الغريب
