يالا تعالى

  

واقف فى الشباك باناديلك

أنا باستنى يابابا وصولك

توصل بكره ، توصل بعده

مش هااتحرك من غير قولك

و المدرسة مش عايز اروحها

غير وأنا ايدي ف حضن إيديك

ودروسي امتى هاتشرحها

وبعد مااحلُّ اجري واوريك

مين يلاعبني بعد ما اذاكر

مين هايجيب لي لعب وحاجات

مين هايقول لي حبيبي يا شاطر

وهايمضي لي على الشهادات

مين هاياخدني معاه النادي

ويشجعني ف لعب الكورة

مين هايطبطب فوق أحزاني

ويطلعني ف أجمل صورة

مين هايقف لي ف ليلة فرحي

ويمد ايديه للمأذون

مين هايوصي عليا عروستي

تسعد قلبي فين مايكون

.....

بابا الدنيا ف بُعدك صعبة

ولا بيخبط ع الباب حد

هو بعادك عننا لعبة

مهما بانادي مش بترد

ماما دموعها بتخبيها

لجل مااشوفهاش فوق الخد

كل ماتقفل بابها عليها

اسمع صوتها بتبكي عليك

واما اسألها تدراي عنيها

وتقول  ربي يبارك فيك

أنا مش عارف بس يابابا

امتى هاتيجي الله يخليك

بدموع عيني يابابا بانادي

يالا تعالى أنا مستنيك

....

منى الغريب

قلوب الناس حجارة

ياما ناس قلوبها حجر

حتى الحجر أرحم

شايفينه وسط الخطر

ولا حتى تتألم

لوي الشفايف ظهر

والإيد ما بتسلم

نام الولد ع الحجر

حضَن الحجر حلمه

لما فقد والديه

قام الحجر ضمُّه

نام الصبي مش خوف

وكل القلوب خايفة

وحجارة داب قلبها

والناس ماهيش شايفة

هتقول لربك إيه

حضَّر اجابتك ليه

ذنب الصبي ف دنيته

غير إنكم حواليه

والحرب اهي قايده

ولا حد حاسس بيه

رب العباد عادل

وحسابه يوم الدين

والطفل وبشكوته

راح يعدل الموازين

...............

منى الغريب

بطّل تحـــــــــلم

جربت ف مرة

تطول الشمس

طب قوم كسّر

جناحات اليأس

قوم جرب

تحضن أحلامك

بين رمشين

أو بين حرفين

وكلامهم همس

جرب لو محتاج إثبات

إن هموم الفكر

ساعات

تقتل مِساحات

قلبك لو  حس

جرب تختار

بين حلم كفيف

أو قلب يضيف

مش ياخد بس

جربت تشوف

أوهام الخوف

بتنام ف عنيك

أو بين شعاعين

من ضي الشمس

جربت تعيش

من غير شريان

بيمد القلب

بشوق وحنان

ومعاه إيمان

ف وريد يتحس

.........

منى الغريب

أَحْلَامُ عِشْقِي

مَرِضَ الفُؤَادُ فَعَادَنِي أَصْحَابِي

يَتَسَاءَلُونَ جهالةً عَمَّا بِي

لايعلمون بِأَنَّ قَلْبِي عَاشِقٌ

والسهد لَيْلِي وَالنَّهَارُ عَذَابِي

هَجِّ النُّعَاسَ مِنْ العُيُونِ فَلَمْ تَزَلْ

أَحْلَامُ عَشَقَّيْ مَطْعَمِي وَشَرَابِي

عَلِمَ الأَحِبَّةُ عِلَّتِي وصَبَابَتِي

وَالشَّوْقُ يَسْبِقُهُمْ إِلَى أَعْتَابِي

قَفَزَ الحَنِينُ مِنْ الضُّلُوعِ إِلَيْهُمُ

قَدْ زَلَّ عَقْلِي إِذْ فَقَدْتُ صَوَابِي

شُفِيَ الفُؤَادُ بِوَصْلِهِمْ فِي لَحْظَةٍ

وَالهُدْبُ أُرْخِيَ لِلغَرَامِ حِجَابِيٍّ

........

منى الغريب

غُـــلَّ اليَمِينُ

صَاحَ المُـؤَذِّنُ مُـعْـلِـنًا إِعْـدَامِـي

غُـــلَّ اليَمِينُ وَصُـفِّـدَتْ أقْـدَامِـي

مَــا أَسْعَدَ اليُسْـــرَى بِجَنَّةِ خُلْدِهَا

حِيــنَ اسْتَرَاحَتْ مِنْ خَنَــا أَيَّامِي

ضَاقَ الفُؤَادُ بِكُلِّ نَبـْضٍ عَـالِـقٍ

وَالرُوْحُ ثَكْلَى وَالظَّـلاَمُ أَمَـامـِي

كَلَّ الْلِسَانُ مِنَ النِّدَاءِ وَلَمْ تَـزَلْ

كُلُّ الْحُرُوفِ تَزِيدُ مِنْ إِيْهَامِـي

هَلْ تَجْهَلُونَ بِأَنَّ قَيْدِيَ فِي فَمِي

وَالْخَـــوْفُ مَـزَّقَ نُطْفَةَ الأَرْحَـامِ

وَالضَّعْفُ يَقْتُلُ كُلَّ يَوْمٍ فِي الحَشَا

وشُعـُــوبُنَا ضَجَّتْ مِنَ الحُكَّــــــامِ

أَيَحِـــقُّ لـِـي فَخْــرًا بِذِكْرِ هَوِيَّتِي

والمَسْجِدُ الأَقْصَى يَشُجُّ مَنـَامِـي

أَيَحِــقُّ لِي فَخْرًا بِذِكْـــرِ عُرُوبَتِي

والْعُرْبُ تَهْوِي فِي وَغَى الإِظْلاَمِ

هَلْ آنَ لِي صُنْعُ السَّفِـيـنَـةِ عَلَّـهـَا

تُنْهِي الشَّتَــاتَ ، فَتَسْتَوِي أَحْـلاَمِي

فَنَــرَى الشُعُوبَ تَوَحَّدَتْ فِي جَبْهَةٍ

وَعَـــلا الجِهَـــادُ مُرَابِطًا بِزِمَـــامِي

يَـــا كُلَّ أَبْنَــــاءِ العُــــرُوبَةِ أَقْبِـــلُوْا

كَــيْ تُطْلِقُــــوْا سَهْـــمَ البَسَالَةِ دَامِي

وَتَضِـــجُّ أَلْـــفُ مَدِينَـــةٍ فِي ثَـــوْرَةٍ

يَعْلُــو الهِتَـــافُ مُطَالِـبـًا بِـسَـــلاَمِي

ويُفَــــكُّ قَيـْـــدِيَ وَالْلِّـسَـانُ مُحَـــرِّرٌ

مَهْــــدَ المَسِــيحِ ، وَقِبْـــلَةَ الإِسْـــلاَمِ

.................. 

منى الغريب