لسّاك
بتحلم بالأمل
أصل الأمل
جوايا مات
لسّاك بتحضن
في الحياة
هي الحياة
مش م الممات
لسّاك بترضى
بنبضتك
دي النبضة جاية
بألف آه
لسّاك سعيد
في دنيتك
و بفرحتك
فاكر معاك
طوق النجاة
...
منى الغريب
الإخلاص
مفيش احسن منه
والكدب
نصيحة ابعد عنه
الحب اللي تزينه صراحة
والكلمة الحلوة الوضاحة
أحسن من بيت
ويكون عالي
والكدب مساه
ويا صباحه
....
اكدب تاني
زي عوايدك
واخلق م الاعذار
ملايين
لو هاتفكر قلبي
انا رايدك
انا هانساك
بكتيره...
يومين
بكتيره
يومين
......
إكدب تاني
وقصاد قلبي
واحلف أنك مشغول بيه
وازعل منه لو هايفكر
إن حبيبه خلاص مش ليه
اكدب مرة ومرة كمان
وابعد عن قلبي الأحزان
اذا كان كذبك صعب عليا
يبقى الصدق أكيد حرمان
.....
اكدب تاني
وصدق روحك
ماانت خلاص
ملِّيت من بوحك
كل ماتلقى حب قصادك
يطلع كدبك م الإخلاص
.....
منى الغريب
ياقاضي
ياللي العدل نايم
ع الكفتين
فوق الميزان
إوزن تمام
ولا الميزان ده ميزان دهب
والعدل عندك بالجرام
إوزن وقول
الوزن كام
مش لما تقرا قضيتي
وتشوف حلال ولا حرام
افتح لي أول صفحة فيها
واطلب دليل م المتهم
ايه اللي طفا فرحة القلب
الحنيِّن غير هواه
ايه اللي عدى
فوق شرايين الموده
لجل يوصل مبتغاه
إيه اللي فرّق
بين جميع الأوردة
وليه كده !!
يقتل حلاوة حب
متداري ف ضلوعي
ويبيع هوايا ف لحظتين
يحزن ربيعي
ياقاضي ياللي حكمك العادل
هينصف مهجتي
احكم عليه
بالحبس جوايا
ومؤبد كمان
واياه يفكر يوم
يفارقني عشان
من جوة قلبي فرشت له
أجمل مكان
بين العيون غطيت عليه
والرمش نام
وهمست له من بين شفايفي
بالغرام
كنت أما أنام يحلى المنام
واشوف عنيه السهرانين
بتقول ف حبي
يتعلموا العاشقين
من حبنا كل الهيام
..............
منى الغريب
