صباحك ندى
ياأول حب
فى قلبى نده
ياعطر فى حياتى
ياشوق أمسياتى
يللى بِحُبَك
عمرى إبتدى
***
ياااه لما تيجى
بشوقك إليَّا
تحلِّى سينينى
تفَرَّح عينيَّا
تهدِّى أهاتى
وشوق ذكرياتى
ياكل حياتى
وأغلى ماليَّا
***
صباحك معطر
بشوق ليا أكتر
صباحك فى قلبى
نبتة بتكبر
ياأجمل صباح
نور ف قلبى لاح
ياعشق فى نهارى
ياأغلى الليالى
قمر فيها نَوْر
***
ياااااه لما شوقك
بيحضن فى شوقى
بلاقيك فى عينى
منَوْر شروقى
بتسقينى حُبك
حبة بحبة
وفى كل مرة
وبتقول لى
دوقى
يابلسم لدائى
ياعطر ف ردائى
يادم بيسرى
فى نبضى وعروقى
***
صباحك يجينى
يعَطَّر جبينى
ينَوْر حياتى
يمسح أهاتى
فى حُضْنُه يلاقينى
صباحك و جانى
يحلَِى زمانى
وعشت فى قُرْبُه
ياأغلى الأمانى
وكل الأمانى
***
نور الحرف
منى
ليست هناك تعليقات:
إرسال تعليق