رسمتِك..
جوه كراس الزمن
شجراية...... وضلاية
وورده والندي ف خدك
رسمتِك…
قلب جواه سهم
ف ناحيه أسامي أحبابك
وفي التانيه..
انكتب إسمك
نقشته بإيدي...
ووريدي....
ويشهد لي تراب أرضك
لا يوم كلِّيت …
ولا ملِّيت
ولا قلبي انفصل عنك
رسمتك …
عِشَّه على شط الهوا فيكِي
وأناديكي..
بكل الشوق..
والاقيكي
حكاية ف قلب حواديتي
لكل الناس… وباحكيكي
ويسألني عليكي الليل
أقول :قمرايه ..على نيلها
وغنوه.. ف قلب مواويلها
ويطلع فجرها الطيب
يداوي الجرح ويطيب
وإيدها فوق جبين الكل
تخاف م العين وعمايلها
تنادي بقلبها الأبيض
أنا اللي الدهر ماكسرني
ولا الأحزان
أنا الصانع....
أنا الزارع..
أنا الفنانا الجندي
وواقف بحمي أولادك
ف كل ميدان
وامد الإيد بكل أمان
ولقمه ف جوف
ماليه الخوف
تمد بسهمها ف قلبي
مانيش عايزه ولا رسمه
مانيش محتاجه غير بسمه
وبارسمها ...
على وش الحزين يفرح
أنا رسمه
بترسمها ابتسامة طفل
قلبه ماعرف يجرح
أنا قلبي بإيمانه
بيحصد كل مايطرح
*****
نور الحرف
منى
ليست هناك تعليقات:
إرسال تعليق