بلمس ايديك
وقلبي يدوب
يدوب قلبي
من اللمسه
واشوف ف عينيك
هنا نظره
بتحضني
مابين الهمسه
والهمسه
تقول عني
يانور يِسْرِي
أرد عليك
وأقول إنك
حبيب عمري
وتحلف كل صوابعنا
على الأوراق
بإن عيونا...
وقلوبنا
تدوب أشواق
وإن حروف أسامينا
ف أول صفحة للعشاق
هنا حرفي يشوف حرفك
ويتبسِّم
الاقي كل ما تكتب
حروف عنِّي
( أكيد بحلم )
هنا ابتسمت
وشافت عيني أنوارها
هنا ضمت حنين قلبي
ف لحظة لمَّا
صاحبتها
بعينها ليّا بصت لي
هنا شافت دموع عيني
ف أول بُعد كان بينا
وأول ضحكة من قلبي
ف أول لحظة تجمعنا
ودعوة قلبي
من جوه
يارب ما انحرم منك
وينقش لينا أسامينا
تكون دايما
ف أول صفحة للعشاق
****
نور الحرف
منى
ليست هناك تعليقات:
إرسال تعليق