بعث الإله الحبيب
للناس ليوم الدين
دعا حبيبنا النبي
لعبادة الواحد
فيه اللي قلبه لان
والدمع ع الخدين
وفيه قلوب م الحجر
فيها الوريد جاحد
ربك أمر عبده
بالهجرة لصحابه
الحبشة فيها ملك
ماقفلش يوم بابه
هاجر الصحاب في الخفا
وفضل ف مكة الحبيب
وابو بكر كان منتظر
لجلن يكون له نصيب
الصحبة في الرحلة
ومن صميم مهجته
عارفها مش سهلة
الوحي جه للحبيب
قوم يالا آن الأوان
نام يا " علي " ف فرشتي
وليك سلام وأمان
واقفين قصاد الباب
متسلحين بسيوف
خرج مابينهم وربك
أمر العيون ماتشوف
ولما شافوا "علي"
والبرده فوق منه
عيل صغير العمر
يجهل أمور سنه
كل الرقاب لفِّت
بعقولهم اتجنوا
واقفين قصاد الباب
وازاي هرب منه
جرِي عليه صاحبه
وكان دليله معاه
غيَّر في سكتهم
طريق أمان وياه
واتفرقوا في الفلا
خرجوا بجهل وراه
وصل الحبيب وجهته
والبدر طل ولاح
والفجر من فرحته
قال حي ع الفلاح
كان الإله حافظه
في كل وقت وحين
لجلن تكون سنته
وشريعته للعالمين
.....
منى الغريب
