ظل يحبو في بلاط صاحبة الجلالة
وعندما اشتد عوده وتعلم السير
أمسك سهمًا وأصاب به الملكة في مقتل
------------
منى الغريب
15/05/2021
06/05/2021
محتاج إخلاص
عارفاك بصحيح
بس مشاعرك
مش قادرة بجد
اترجمها
ولا افهمها
الحب بينضح
من بينها
ف حروفك
لما تقولهالي
بتقدم رجل وبتأخر
علشان أقدر
أفهم بمشاعري
ف تكوينها
واعمل نفسي
منيش فاهماها
فتعيد وتزيد
وترتب من تاني
حروفها
واسمع نبضات القلب
تقيد
واللهفة بترقع
بالزغاريد
وعشان على قلبي
الخوف ممدود
وبنيت حواليه
أكبر اخدود
فمشاعر تانية
مابتعديش
ولا أحلام طايرة
جناح مكسور
منتوف الريش
انا قلبي
قصاد الحب منيع
مش متحمل
من تاني يضيع
أو يخلِص مرة
لقلب حنون
فيلاقي جزاته
ف ثانية يبيع
أنا قلبي بنيت
حواليه اسوار
وقلاع وحصون
علشان مجنون
وف لحظة يحن
لهمسة رقيقة
ف ودنه ترن
محتاج إخلاص
محتاج لسعاده
ومش للحزن
محتاج للحب
....
منى الغريب
الاشتراك في:
الرسائل (Atom)