جديد

24‏/09‏/2016

بلاد الله




وباكتب للي
تاعبانا
وباعدانا
ف بلاد الله
ومااعرف ليه
معاندانا
لا لينا ف قلبها ....
مطرح
ولا عارفين
نعيشها
حياااااااة
..ده عمر الدنيا ..
فيها يومين
وليه بالقسوة تلقانا
وليه ف الغربة ...
راميانا
ده انا لو..
 باغزل الأحلام
هافصل حلمي
لو ف سنين
وكل مااعيشه
جواها
يدوسني كابوس
وراضي الهمّ...
 وياها
وانا محبوس
مابين خوفي ..
وأيامي
حيطان زنزانتي
أوهامي
ومات حلمي...
 في غمضة عين
برغم إن مفيش
مطرح
في احضانها
ولاعارفين
نعيشها حياة
...
هقول عنها ..
لنفسي كلام
و ارد بكلمتين
تايهين
مادام بتموِّت..
الأحلام
ف دي آخرتنا
وياها
لعمر حزين
بنرجع قبل مانكمل
مجرد جِتة مرمية
ف ضلمة ليل
مالوش ديّة
وموجة عاتية ..
وقوية
وبحر الخوف..
 مالوش آخر
ولا مرة
صادفنا نجاااااه
تعذّب فينا
نهواها
وتبعد فينا
نهواها
وباصرخ
أيوة بهواها
ياخلق الله
.............
منى الغريب









23‏/07‏/2016

انت بالنسبة لي ميت




مش هااعيد تاني
اللي فات
ولا اخرج م التراب
 الذكريات
مش هااقول
اهو ماضي عدى
من حياتي
هي كانت روحي
محبوسة ف سكات
مش هااعيد ..
ولا مرة اقول
انت بالنسبة لي
حب صحيح ولكن
م النهارده ف قلبي
 مات
...........
 منى الغريب