.jpg)
ملعونة اللقمة ان كات هتذل
وتطاطي ف يوم راسك للكل
ملعونة ولو كان فيها حياة
رافضاها انا لو ايدي هتتشلّ
...
ملعونة الضحكة لو اشحتها
ملعونة الطيبة وغباوتها
ملعونة البسمة وشفّتها
لو مش من جوا القلب تطلّ
...
ملعونة الكلمة ان كات زايفة
بمشاعر كدَّابة وخايفة
ملعونة خيانتك وقساوتك
بتخلي الحب ف قلبي يقلّ
...
ملعونة عشانك أيامي
لو طيفك عدَّا ف أحلامي
ملعونة العين لو هتشوفك
أو حتى لقمرة ليلي تهلّ
...
ملعون لو كفِّي لمس يدَّك
أو إيدي تطبطب على خدَّك
ملعونة يا قسوة ضلعينك
لو على حنيِّة قلبي تغِلّ
...
ملعونة ومش عايزاها حياة
لو كانت من أنفاسك ... لا
ولا عايزة القلب يدق معاك
ولا عقلي بخيبته وراك يختلّ
***
منى الغريب
ليست هناك تعليقات:
إرسال تعليق