جرح قلبي

 

 

هاسند بإيدي على اكتافي

خلاص ماعدتش مجدافي

ولا مرة هاحتاج لك فيها

..

أحزاني لازم أفرَّحها

والدمعة على خدي امسحها

بإيديا واكتم معانيها

..

ولا يوم تشوفها وتتشفَّى

ميزان حناني مالوش كفَّة

خلاص عواطفي هااخبِّيها

..

والقسوة تبقى اللي ف قلبي

من بعد اخلاصي وحبِّي

هاقفل بيبانها و أعيش بيها

..

مابقاش في قلبك إخلاصُه

بإيديك على جراحي وداسوا

فَقَدِت مشاعرك معانيها

...

ما لغيري غيَّرت الدفَّة

لهواها تجري وتتكفَّى

طبع الخيانة مقوِّيها

..

تِعبان ولايف على حيَّة

ميِّت ف قلبي مالوش ديَّة

لفِّي الشباك قوي  لِفِّيها

..

فيه فيديوهات رايحة وجاية

ع الواتس بينكوا بحنِّية

عبِّي ف خيانتك واسقيها

****

 منى الغريب