جاني الخبــــــــر

جَانِي الخَبَرْ...

 جُوَّه الجَوَاب..

مِنْ غِيْر كَلام..

مَاعْرِفْت أَمَيِّز لُه حُرُوْف

قَرِيْت بِخُوْف..

مَاقِدِرْت أَكَمِّل أَوْ أَشُوْف...

إِِيِه الِّلي صَحْ ...وإِيِه غَلَطْ

أتَارِي العِيْب عَ النُقَط.......

تَرَكِتْ مَكَانْهَا....

هَجَرِتْ بِدَايَات الكَلام

صَرَخِت حُرُوْفِي :

مَفِيْشْ مَلام...

بَقَى دَهْ كَلام...

بَقَى فِيْه كَلام..

 مِنْ غِيْر نُقَطْ

مِيْنِ الِّلى يِقْدَر يِفْهَمُه 

أَو يِعْقِلُه

مِيْنِ فِي الزَّمَان دَهْ

هَايِنْقِلُه

لَمْلِمْت شُوْقِي بَعَتُّهُوْلُه

وِالقَلْب صَلَّى الِّليْل بِطُوْلُه

لَجْل مَايْشُوْف فْ المَنَام

 بَعَتِّ رُوْحِي  بِالخَبَر

مِنْ غِيْر كَلام

صَبَحِ الصَّبَاح

جَانِي القَدَر

بِرْسَالَة مِنْ عَنْدِ القَمَرْ

رِجِعْ الكَلام ...

حُضْنِ النُّقَطْ

وِكُلّ حَرْف شَافْ مَكَانُه...

اتْرَصّ عَ السَّطْرِ اتْظَبَطْ

نَطَقِ الكَلام...

لََجْلِ مَايِحْلالُه النَّظَرْ..

عِيْنِ الحَبِيْب شَاهْدَه عَلِيْه

بِيْنِ الحُرُوْف دَامِ البَصَرْ

أَحْلَى الكَلام..

فْ قَلْبِِي كَانْ

كَعُقْدِ لُوْلِي وِانْفَرَطْ

&&&&

نور الحرف

منى