هاتلاقيني
ف كل كلمة قلتهالك
جوه حرف ف وسط سطر
فات إيديا ف لحظه جالك
جوه نظرة عين لعين
دايبه ف وصالك
هاتلاقيني
حتى لو مش بتناديني
هاتلاقيني
جوه شوقك
جوه دمك... وف عروقك
جوه صمتك... جوه همسك
جوه ليلك... وف شروقك
لو لقانا كان مقدّر
أو فراقنا كان مقدر
اللي مابينك وبيني
جوه قلبك ..جوه عيني
هاتلاقيني
هاتلاقيني
هاتلاقيني
جوه ضحكة وابتسامه
دمعه جوه العين
زمان سابت علامه
نبضه جوه القلب
وبنسمعها ياما
همسه دايبه
جوه منا م النهارده
لحد ماتقوم القيامه
نور الحرف
ليست هناك تعليقات:
إرسال تعليق