بَتْحَدَّاك
إِوْعَى تُقُوْل إِنْ إنْتَ مَلاك
ولاَّ أنا قَلْبِي بِيِتْمَنَّاك
وَآدِي أَحْلامِي بِتْتْحَدَانِي
جُوَّة عُيُوْنِي وتْتْحَدَّاك
^^^^
بَتْحَدَّاك
تِقْبَل مِنِّي ف لَحْظَة اللُّوْم
ولاَّ تْجَرَّبْ بُعْدِي فْ يُوْم
أَوْ تِتْحَدَّى خَيَالِي فْ نُوْم
حَتَّى فْ حِلْمَك مِشْ وَيَّاك
تِتْحَدَّانِي
قَلْبَك يِقْدَر يِتْحَدَّانِي
شُوْف مِيْن فِيْنَا غَدَرْ بِالتَّانِي
طُوْل أَيَّامُُه ونَبْضُّه أَنَانِي
هَاتعِِيْش كِدَه عَلَى طُوْل وَحْدَانِي
مِنْ غِيْرِ قَلْبِ يِدُّقّ مَعَاك
^^^^
بَتْحَدَّاك
فَكَّرْ فِيَّا وَلَوْ لَحَظَات
نَبِّه قَلْبَكْ ..جَايِزْ مَاتْ
صَحِّي ضَمِيْرُه بَعْدِ سُبَات
يَا إِمَّا خَلاصَ قَلْبِي هَايِنْسَاك
وَأَتْحَدَّاك.. هَأقدر ....أَنْسَاك
^^^^
نور الحرف
منى
مش عارف ليه اول مرة احس انى بنقرالك حاجة وانا مش مقتنع بيها..اتعودت معاكى ان حرفك تحملنى الى مناطق جديدة ..تؤثر فى وجدانى ..ربما اكون قرأتها وانا فى حالة لاتسمح بالانسجام ..او ربما بعض الهنات التى صادفتنى ابعدتنى عن الجو الذى تعودته مع حروفك ..مثل ..
ردحذفحيعيش كدة على طول وحدانى ..من غير قلب يدق معاك ..............هنا المفروض ان تقولى من غير قلب يدق معاه ..او تقولى ..حتعبش كدة على طول وحدانى ..اختارى مابين ضمير المخاطب او الغائب.....اسماعيل احمد اسماعيل
شكرا أخي الفاضل اسماعيل.. ومرحبا بحرفك الناقد الرقيق ..نعم أخي الجمله هاتعيش كده على طول وحداني فمعذرة لزلة قلم وغلطة مطبعية ..شكرا لإهتمامك الغالي ...وشكر ثاني لتواجدك بين ثنايا حروفي...تحيتي
ردحذف