ابني الصغير صِحي
من نومه كان مفزوع
جريت عليه بلهفتي
فكرته مات م الجوع
قربت منه عشان أضمه
قال بصوت موجوع
صحاني يامة صوت الرصاص
مش م الألم والجوع
ياأمه خديني في حضنك
ده أنا ماليني الخوف
وغيَّري لي هدومي
ده أنا في الجراح ملفوف
ياأمه ونادي إخواتي
على مداد الشوف
يمكن يزول الألم
والمرار م الجوف
ياأماية هاتي القلم
ومعايا كراستي
ونادي أخويا الكبير
وديني مدرستي
بكت أمي وقالت :
ماالمدرسة هدوها
نزل عليها صاروخ
والأنقاض شالوها
شالوا مع التختة
أحلامك وخنقوها
إبني الصغير كبر
وقال لي ياأمه خلاص
من النهاردة ياأمي
مش عايز الكراس
هاأسيب قلمي
وأسيب حلمي
كبرت ياناس
مادم شايفني بتعذِّب
وجوة بلادي بتغرَّب
وكل الدنيا .. راح تشجب
وبتندد .........وهاتندد
لأخر طفل فينا
يا نــــــــاس
=========
نور الحرف
منى
رااااااااااااااااااااااائعة
ردحذفدرر ومعانى ولا اسمى
تقبلى انحنائى ورفع القبعة
بصدق من زمن لم تحرك مشاعرى اى كلمات
اشد عليكى حبا واحتراما وتبجيلا لقلم
واعى مثقف معبر مدرك لكل المعانى
ابنتك / موناليزا