أنا
مش حرف ع الهامش
ولا
أصداف رماها البحر
ده
أنا حرفي
ينام
الليل على القمرة
ويهمس
للسحاب فكره
ويصحى
الفجر
حروف
مبدورة من قلبي
والملمها
بتنضح عطر
ولما
تكون ف حضرتها
تسيب
الدنيا ف وجودها
وليها
ولاء شرايينك
وليها
الأمر
أنا
مش كلمة
مربوطة بخيط ملفوف
ولا
بقيودي مسلوبة
ناقصها
حروف
ده
نورها ع البعاد
قمرة
ماليها خسوف
وشمس
حروفي نعسانه
ف
بحر الشعر مالها كسوف
أنا
قلمي...
يهز
مشاعر الإنسان
ينام
الليل
بلا
أفكار زارعها الخوف
وقبل
الفجر ما يصحى
بأحلامه
يكون ملفوف
******
نور الحرف
منى
ليست هناك تعليقات:
إرسال تعليق