مد إيدك جوه منِّي
خد دمايا ...اتوضا بيها
شق قلبي من ضلوعي
وافرشه وصلِّي عليه
****
مد ايدك جوه منِّي
واقلع تقاوي محبتي
وازرع بدالها دمعتي
وارفع آدان الغدر
لجل ما تنادي لقابيل
ويرد بيه
****
مد يدك.... كل همّك
نقطة الدم ف عروقي
وف شروقي
يتحجب عنِّي ندايا
تزرع الغل ف سمايا
تنده الطير اللي علِّم
يدفن الحزن.. بإيديه
***
مد إيدك جوه منِّي
وغصب عنِّي
دمعي سايل ... فوق خدودي
مش مصدق
إن عشنا كلنا
لقمة واحدة ف جسمنا
لمة واحدة تضمنا
ازاي هاننسى عمرنا
وننسى اللي فيه
*****
نور الحرف
منى
ليست هناك تعليقات:
إرسال تعليق