جديد

26‏/01‏/2013

قـــــــــــــرار




هو قرار

أيوه قرار

مش هااستنى

واعيش ف النار

داري دموعك

لا .. لرجوعك

مش هااستسلم

ولا ها انهار



قلبي اتعذب

من حكاياتك

هيّ الشكوى

ف كل حالاتك

بحر مرار

تيجي بكدبه

تسلم كدبه

قلبي اتعلم

مش هايسلم

كدبك علِّم

جوّه ف قلبي

علامة ب نار

********

نور الحرف


منى


11‏/01‏/2013

وييجي الليل





وييجي الليل بأشواقي

واحنّ إليك ف أوراقي

وباكتب لك

صحيح باقي

هواك في القلب والننِّي



وييجي الصبح متعطّر

وحلمي ليك بيتفسر

ولما القاك قصاد عيني

واقولك... كل ما تجيني

بِحُبَّك ....يالَّا طمنِّي




أقول عنك لروحي كلام

وينساني ف هواك 

اللوم

ترد الروح :

 تقول ياسلام !!

على قلبي 

اللي بات محروم

غيابك كان محيرني

وبُعدك عني سهرني

ولو طوّل غيابك يوم



تعالى نضم أشواقنا

ندوِّنها في أوراقنا

ونكتب كل صفحاتها

بكلمة حب تشتاقنا

نسيب صفحة عتاب فاضية

مانحتاجهاش

وصفحة للبعاد

برضو مابينا بلاش





نخلِّي كل صفحاتنا

لشوقنا حروف

ونمسح كل تنهيده 

ودمعة خوف

وننسى كل أحزاننا

ف حضن 

يضم أشواقنا

وشوق وحنين

علينا يطوف

......

نور الحرف
منى



01‏/01‏/2013

اكتبني





اكتبني

حبيبي  نبضا في حروفك

في حنين كلماتك

اكتبني

حرفا في حروفك الأربعة

وهمسة من همساتك الدافئة

اكتبني

لحظة في عمرك المديد

وبرهه في يومك السعيد

اكتبني



شوقا...وعشقا

وجدا ...وعهدا

صبحا ..وليلا

اكتبني

لحظة حنان فوق صدرك

ضمة أمان بين أحلامك

وقتا في تفكيرك

اكتبني

بسمة تمر بين شفتيك

حين تذكرني

رعشة اشتياق

تسري في جسدك

حين تراني


اكتبني

قدرا لقلبك

وأنفاسا لصدرك

ودما يسري بأوردتك

اكتبني

بين حروف قلبك الأربعة

هناك متكئي ومبيتي

أحبك

يابعد عمري بعمر

********
نور الحرف
منى