محبوس داخل قضبان خوفك
مخنوق متعلق من جوفك
مش قادر تصرخ جواك
فاكر نبضة قلبك قوه
شايف نفسك ألف فتوه
بص كويس
قضبان سجنك مش هاتعدي
كوابيس رمشك جاية تهدي
واتاريك متفتت من جوه
خمسين طعنه معلمة فيك
فين أراضيك
فين النبضه
وفين الضحكة
صعبة عليك ؟
أو كنت جبان!!
خايف ترسمها على عيونك
خايف متحير من كونك
نصين متقسم أو أكتر
أو جايز خلف القضبان
مات الإنسان
مات الإنسان
********
منى الغريب
ليست هناك تعليقات:
إرسال تعليق