الخوف معشش جوه أبراج الحمام
طار الحمام...من لهفته
فوق في السما
فوق السحاب..
يمكن يلاقي في سكته..
حبة أمل
يفرد جناحاته بأمان
ويشوف طريقه ف دنيته
الخوف ملجم كل حرف من الحروف
جفّ المداد م المحبره
ضِعف القلم...
مقدرش يكتب كلمتين
م الموجوعين...
جوه الضلوع
كل الضلوع....
متكسره
ووريد بيخنق ف الوريد
الخوف مسلسل خطوته
شدُّه لْورا
آهين يادمعة ف وسط خوف
بين الدما....
متحجرة
مشتاقة يوم لحظة أمل
وميلاد حياه
مش مقبره
يافرحه ليه متعلقه
وبعيده عن كل الإيدين
حبة أنين جوة الأهات
متبعترة يا أمنيات
وبعيده عن كل الإيدين
حبة أنين جوة الأهات
متبعترة يا أمنيات
وخطاوي تايهة
في الدروب متعثره
الخوف طغى
القلب مات
والعقل مات
ياهل ترى راح ييجي
يوم ونشوف حياة
يوم ونشوف حياة
بين الرفات !!!؟
**************
نور الحرف
منى
ليست هناك تعليقات:
إرسال تعليق