هنعلق زينة ف حتتنا
دايرن مايدور حوالين بيتنا
والملح نرشه للعروسين
يحميهم من شر الحاسدين
ويارب يتمم فرحتنا
........
كل الحتة جاية تبارك وتهنيها
دي عروسة قمر ، رب احميها
وعريس خفه رب يهنيه
زاين الزفة ومنورة بيه
يحميهم من شر الحاسدين
والملح نرشه للعروسين
ويارب يتمم فرحتنا
........
هوّ نصيبها وهي نصيبه
م الليله خلاص مش هاتسيبه
راح تحضن وياه فرحتها
وايام هتعيشها بحلاوتها
يحميهم من شر الحاسدين
والملح نرشه للعروسين
ويارب يتمم فرحتنا
....................
ادعي له وخلي بالك منه
من اكله ولبسه ومن امه
حطيها ف عنيكي وقلبك
رضا جوزك ده من رضا ربك
هيشيلك جوه حباب العين
يحميهم من شر الحاسدين
والملح نرشه للعروسين
ويارب يتمم فرحتنا
.................
وأنت ياعريس خدت هدية
أخلاق وأدب ، متربية
تعاملها بلطف وحنيه
هتشيلك فوق الراس والعين
يحميهم من شر الحاسدين
والملح نرشه للعروسين
ويارب يتمم فرحتنا
.............
ابعد ياحسود و مالكش مكان
ده عريس وعروسة جمال وايمان
هايعيشوا حياتهم ع القرآن
والسنة تالتهم أصل الدين
يحميهم من شر الحاسدين
والملح نرشه للعروسين
ويارب يتمم فرحتنا
................
منى الغريب
ليست هناك تعليقات:
إرسال تعليق