مش باقي منك
إلا حبِّة ذكريات
تايهة ف خيالي
من ماضي عدى
خلاص وفات
هنا اتقابلنا
حنت ايدينا وسلمت
حضنت هوانا
وحروف غرامنا اتكلمت
دابت مشاعر
ما بين قلوبنا وعلِّمت
نظرات عيوننا
من غير كلام اتحكمت
ونسينا روحنا
طابت جروحنا
والخدود اتبسمت
..........
مش باقي منك
إلا حبِّة ذكريات
تايهة ف خيالي
من ماضي عدَّى
خلاص وفات
راح فين هوانا
بقى مش معانا
راحت خلاص
أيام لقانا
والبعد والهجران سمانا
والأرض ملِّت من بكانا
وخلاص قلوبنا
تابت وتوبنا
من كل لحظات الخيانة
ابعد بعيد خليك وحيد
وسيبني أعيش
على ذكرانا
مش عايزة أشوف
لحظة خيانة
........
منى الغريب
ليست هناك تعليقات:
إرسال تعليق