جديد

07‏/10‏/2015

لأ ..مش كفاية




ياللي جوه القلب ساكن
تحسدك كل الأماكن
في الوريد حتى اللي دايب
نبضه مغزول للحبايب
قلبي ايوه ، جه وقال لي
كان لقاك لحظة تجلي
والسؤال
كان ايه حصل لي
وايه اللي ودا الروح لعندك
وايه اللي خلى هواك واصل لي
......
لو ما بينا ألف ميل
همسة شفايفك
ده القلب سامعك
و النني شايفك
ليه عينيك تعمل حساب
الحاسدين
لو قلت احبك
مين اللي قاللك :
إن حبي ليك ده أكتر م المحال
ده أنا قلبي دقّه ليك
وف لحظة مال
والتقيته بره مني
و ليك سبقني
ينادي  شوقك
عند باب قلبك وواقف
لاجل ما ينضر شروقك
مين اللي قاللك
إن حبي مستحيل
لو ف عمري ميت سبيل
هاامشي ف خطاوي محبتك
وامسح بايدي دمعتك
والضم حروفك ع السطور
وتنادي قلبي بألف نور
والقلب مش ناوي الرحيل
يعني مهما يقولوا تاني
ده أنت حبك جوه قلبي م الاماني
حبك في قلبي مش اغاني
حبك دليل
عرفت ليه حبك ماهواش مستحيل
هقول صحيح
عمر قش ما صد ريح !!
.........
منى الغريب

ليست هناك تعليقات:

إرسال تعليق