حاطة الإيدين ع الخد
والهمّ مالي العين
والروح ماشافت حد
والدمْع ع الخدين
خط الزمن قسوته
فوق الخدود أخاديد
شقِّت عروق الزمن
من فوق كفوف الإيد
عدَّى زمان الصبا
والصحبة والخلان
مافضلش غير وحدتي
والدمعة والأحزان
ده الضحكة كات بسمتي
والفرحة جوَّه العين
صبح السهاد سلوتي
واتسرسبت ياسنين
ليل الهموم طوِّل
والكتف شايل شيل
مش كنت م الأول
قولت ان حمله تقيل
ف نخفف الشيله
ونجيب معانا دليل
يصاحبنا في السكة
والعمر يبقى جميل
......
منى الغريب
ليست هناك تعليقات:
إرسال تعليق