ومش عارفة
هتكتب ليه
وتاعب أم أفكارك
وليه شاغلاك ف ليل ونهار
ومزودة مرارك
مادام مفيش هناك
حواليك اللي بيقرالك
حواليك اللي بيقرالك
وبين سطور الشعر
توصف في أحوالك
وتشد إيد الحرف
تجدل في موالك
تكتب حزين وسعيد
مالهم بقى ومالك
...
لا الصبر هوَّه الدَّوا
ولا شِعر يوم هيفيد
إرفع ايديك بالدعا
تلاقي رب مجيد
يشرح هموم صدرك
ويروق قوام بالك
يارب يارحمن
اصلح لي أحوالي
أبعد عن الأحزان
ولاتيجي على بالي
قلبي يعيش مرتاح
دقاته ملك إيديه
ولا فيه سهر بالليل
ولا فِكر يطحن فيه
يلاقي ليلي صباح
وفجري فيه بسمه
والاقي قلبي براح
وعيوني مبتسمه
....
منى الغريب
ليست هناك تعليقات:
إرسال تعليق