وبتدارى
ف عيون الليل
ماالليل ستار
علشان
ما يهلّ نهار
ف يلم بواقي الحلم
المتداري
في جفون سهرانه
وخايفه تغمض
ع الأحلام
أحلامها آلام
ترفض تترص
ف قلب جفونها
الشقيانه
علشان الليل
ناوي يغمض
تاني
تفضل وحداني
يترطب
رمش الليل
بدموع
يا شموع...
مش عارفة تقيد
عناقيد... الخوف
على طرف فتيلها
ومفتِّلها
لشراشيب أوهام
حالف ماينام
طول ما الليل سهران
يحكي ف حواديت
لعيون
السهد مصاحب لياليهم
مليان أفكار
لحكاية قلب
لسَّاه يتهجى
حروف العمروالخطوه بترجع
بالمشوار
...
منى الغريب
ليست هناك تعليقات:
إرسال تعليق