تعرف بجد
نفسي أوصفك
أو الاقي كلمة
تعرَّفك
أقول عليك
إيه ولا إيه
مافى الحروف
شئ ينصفك
الكلمة
منك سلسبيل
دوا للعليل
أو نسمة دافية
ف قلب ليل
أو آهه دايبة
ف مواويل
أقولك إيه
أنا
ولا إيه
معاك أنا
حققت كل
المستحيل
دي الهمسة منك
زقزقة
من قلب طير
يعشق
فى طير
أو قول أمير
جوة قصة
ف أساطير
أقول لك إيه
أنا ولا إيه
معاك أنا
حققت كل المستحيل
وضحكتك
ف القلب
سارحة
دنيا جميلة
لابسة طرحة
احلى فرحة
وتسعد
القلب العليل
أقول لك إيه
أنا ولا إيه
معاك أنا
حققت كل المستحيل
************
نور الحرف
منى
ليست هناك تعليقات:
إرسال تعليق