ابني جدارك يابنَّا
طوبة على طوبة
والمونة زيدها عليه
دي الحيطة معطوبة
ابني وعلِّي كمان
وسيب مكان للصور
هاانقش سطوري ع الحيطان
وحكاوي عن أجدع بشر
كمِّل بُنَاك اليوم
بميزانك الحساس
لا الحيط يميل م اللوم
وسماع كلام الناس
ونلاقي لويّ الشفايف
ويقولوا ليه بنيتوه
وايه لزوم البُنا
بتبنوا وتهدوه
وقَّعْتُوا كل الحيطان
حتى الأساس شيلتوه
كل أمَّا اعلِّي الجدار
عايزين بُنى وعمار
كل الحيطان تتمد
وأسامي تحت الصور
من غير ماننسى حد
تسأل على البطولات
يعرفنا طوب الأرض
&&&&&&&
نور الحرف
منى
ليست هناك تعليقات:
إرسال تعليق