آخر كلام ليَّا..
إيه فكرك بيَّا !؟
ورجعت ليه تاني
تقابلني بأماني
أشواق ف أغنية
لسه الجراح بتئن
لوم الصحاب مع إن
كل اللي بينا بعاد
هجر وخصام وعناد
ايه فكرك بيَّا؟؟!
آخر كلام مِنِّي
خليك بعيد عنِّي
قلبي خلاص سابك
كان ضمن أحبابك
واما انت بعته باع
حبك لقلبي خداع
لسه الجراح بتئن
لوم الصحاب مع إن
كل اللي بينا بعاد
هجر وخصام وعناد
ايه فكرك بيَّا؟؟!
آخر كلام وحروف
قلبي اللي عاش ملهوف
تمسح ايديك الخوف
يستنى منك طيف
يهمس لروحي همس
(حبك ده بكره وأمس
حبك ده جوايا
أملي ودنايا )
طلع الكلام كداب
شافت عينيا سراب
لسه الجراح بتئن
لوم الصحاب مع إن
كل اللي بينا بعاد
هجر وخصام وعناد
إيه فكرك بيَّا؟!
آخر كلام عندي
انا داخله في تحدي
مع نفسي.. مع روحي
راح اداوي ف جروحي
هاانسى خلاص نوحي
قلبي غسل جواه
من كل لحظة آه
كل اللي بينا بعاد
هجر وخصام وعناد
إيه فكرك بيَّا؟؟!!
إيه فكرك بيَّا!!!
***
نور الحرف
منى
ليست هناك تعليقات:
إرسال تعليق