هانغمض عين ونفتحها
نرسم دنيا ونعيش فيها
.
ونكمل بالشوق ملامحها
والحب يضلل حواليها
.
لا عزول ولا حاسد يعرفها
ولا يوم أحزان هاتخطيها
.
والقسوة دي ماتت على بابها
والهجر مايعرف يلاقيها
.
وان قولنا نداري ف مشاعرنا
تنطق عينا وتبوح بيها
.
وان حَضَن الليل يوم أحلامنا
نلاقيها تكمل بعضيها
.
وسكوتنا بيحتار ف كلامنا
وايدينا بتحضن أمانيها
.
دا الكلمة ان تنطقها شفايفي
ألاقيك بتكمل معانيها
.
دنيا الأحلام لو نرسمها
بالحب مابيننا هانبنيها
............
منى الغريب
ليست هناك تعليقات:
إرسال تعليق