باستغرب منك

 باستغرب منك باستغرب

كل مااقرب تبعد عني

وكل مابابعد انت تقرب

...

قول لي حكايتك إيه ويايا

محتاج حبي ولا جفايا

ولا عيوني تسهر ليلي

وأنت النوم لعيونك اقرب

.....

تتهرب من نظرة عيني

واما ابعد بالقاك تناديني

عايز قلبي وعايز حبي

ولا لحب جديد بتجرب

.......

مش هاوهب قلبي بالساهل

إلا لقلب حبيب يستاهل

القاه وقت ماقلبي يريده

مش من نظرة عيني بيهرب

......

دي عمايلك دي مش معقوله

في الحب كأنك سنة اولى

إزاي عايز قلبي يحبك

كل مايشرق قلبي تغرب

..... 
مستغرب أنا من احوالك

 لو طيب غيه اللي جرالك

عمر الطيبة ماكانت قسوة

ولا القسوة ف قلب الطيب

.....

أنا عايز قلبك بجماله

مايغيرش الخوف ف خصاله

مهما هايحصل بيني وبينك

أي جراح بإيدينا نطيب

.................

 منى الغريب