إياك تتكلم عن قلبي
قلبي مخبي
احساس جواه
واياك تتظلم من حبي
حبي ف قلبي
وحنيني معاه
..الحب اللي ف قلبي ناداني
وسمعت نداه
والشوق من سهده اترجاني
والرمش ناداه
..
أما اللي ف قلبك ..ومخبيه
محتاج توضيح
محتاجة ان اعرف كل مافيه
بمشاعره صحيح
مش كلمة حب تقولهالي
وف لحظة تسيح
أو لمسة ايد تلمسهالي
وتهب الريح
....
محتاجة ان اعرف احوالك
أو فين ماتكون
لا تدخّل افكار في خيالي
أو ألف ظنون
محتاجة أحسك بمشاعري
ولقلبي حنون
....
منى الغريب
ليست هناك تعليقات:
إرسال تعليق