كده توحشني
وعيني ف عينك
إيدي ف إيدك
دمي بينده جوه وريدك
كده أشتاق لك
وأنا بانده لك
تاخد قلبي لفرحة عمري
وتوديني بعيد عن عيني
لحد بحورك
وآجي أزورك
بحر حنان
والأمواج بتهدِّي محبه
حبه بحبه
ومافيش ريح
ولا مجاريح
بحر الهوى مجنون بغرامك
وأنا قدامك
تجري عينيك....
ضلّة لروحي
وألقى جروحي
تطيب من همسك
تلحق روحي وتجري عليك
وألقى سؤالي نطق ف عنيا
كده توحشني...
كده توحشني.......
قدّ الدنيا
****
نور الحرف
منى
ليست هناك تعليقات:
إرسال تعليق