معنديش
غير دموع عيني
تواسيني وتواسيكي
وشال ابيض ف طرْف الإيد
بيمسح دمعه ف عنيكي
ما تبكيشي
غيامه وبكره هاتعدي
وترجع بسمتك ليكي
وليه تبكي
دموع عينك بتكْوِيني
وأنا مكتوف ايدين ولسان
مانيش قادر أناديكي
ولا احميكي
من الغِربان
ولا قادر أمد القلب
عشان نبضُه مايحييكي
ولا نظره أقدمها
عشان ماتشوفي بعنيكي
طريقنا أمان
معنديشي
سوى قلمي بكف الإيد
بيرسم بكره ف
جبينك
قناديلك ..وعايزينك
تكوني نبع أحلامنا
ويكتب بالحروف فكره
تنور بيها أيامنا
يقول خلِّي شموس صُبحك
تنور في الظلام بينَّا
وحلم كبير مابين ل حلام
هايتحقق بإيمانَّا
سنه قدام
وليه ما يكونش رُبانك
هنا قلبي
دا جوه ضلوعي بيجدِّف
سنين وايام ماشاف البرّ
لكين بإيديكي راح توصل
لبر أمان مراكبنا
.........
نور الحرف
منى
ليست هناك تعليقات:
إرسال تعليق