كذبه جديده
جوه وداني ...
وجيت تكذبها
مش في الأول كنت احسبها !!
واعمل حسبه لكل خداعك
قلبي انا باعك
يوم ما ف وشه قفلت بيبانك
كان يوم خانك؟
أو يوم باعك؟
ولا وهبت لغيري اعتابك
جاي تتشطر
كده على قلبي
وتغني له:
أنا مابانامش الليل من سهدي
حبك جاني
حلَّى زماني
عايزك ترجع تاني لعهدي !!
جاي بتقول:
سامحيني خلاص
طعنك قلبي
موت فيه كل الإحساس
طفَّى شموعه وودع روحه
ماتت فيه الدَّقة بنوحه
عايش بس لكنه موات
بادعي عليك
أنا بين اوقاتي
تشرب ناري
وتعيش كل مشاعر قلبي
بكل النبض الميت فيه
بكل حالاتي
وتعيش كل عذابي ف حبك
كل الماضي
وكل الآتي
وبرضو لكذبك
مش راح اصدق
تعرف ليه؟
لأن النبض بقلبي
رفـــــــــــات
ليست هناك تعليقات:
إرسال تعليق