بعتَّها ....
منقوش حروفها بالأنين
بِكيِت عليها كل عين
مكتوبة ...
بجراح وقتها
....
بعتَّها
وذكرت فيها شكوتي
سهر عينيا ف وحدتي
ولا يوم قابلت محبتي
ولا بين ضلوعك سلوتي
طيفك فارقني وانتهى
....
بعتَّها
قلت اللي زعلني ف هواك
بتكون معايا وأكون معاك
وأكلمك وأحكي ف هواك
روحك وفكرك كان هناك
مع قلب غيري لوحدها
....
بعتَّها
فكَر في غيري واخدعه
حبك ف قلبي أنا هاامنعه
لو جه خيالك
جوه فكري هرجعه
لو نبض قلبي حن ليك
مش هااسمعه
ابعد خلاص
فارق حياتي
كلها
...........
منى الغريب
ليست هناك تعليقات:
إرسال تعليق