فكرت ف مرة ...
تكون إنسان
تدفن أحزان...
كات بايتة ...
ف نن حباب العين
أو ليك قلبين...
الأول نبضُه لأحبابك
والدقَّة حنان
والتاني عشان...
أما يقابلك
ف الكون حرمان
هايمد إيديه...
يفرد شريان
ويصب الوُد لقلب الغير
....
فكرت تطير...
من غير جناحات
فكرت تبات...
في حكاوي الخوف
المقسومة بين الرمشين
وف نظرة عين...
كات مرسومة...
والضحكة أنين
أو بعد سنين
قلبك غاوي
دقُّه غناوي
بتعدِّي بحور الشوق
....
فكرت تفوق...
وتمد إيديك...
ترفعها لفوق...
وتقول يا معين...
يامثبت عقل وقلب ودين
.....
منى الغريب
ليست هناك تعليقات:
إرسال تعليق