سلّي صيامك
نضف نفسك ...من كراكيبها
صون لكلامك
إياك سيرة حد تجيبها
......
واترك غيبة ويّا نميمة
اوعى العيبة يدوقها لسانك
هيا نصيحة جميلة عظيمة
عيش بالتقوى يزيد ايمانك
....
اقرا آيات الله واوعاها
تكسب دنيا وآخرك جنة
كل حقوق الغير ترعاها
لجل تنول اللي بتتمنى
......
سلّي صيامك مع أصحابك
تحلى عمايل الخير للناس
واخزي شيطانك لو يوم جالك
اصله شيطان وسواس خناس
.....
حب الناس لجلن ماتحبك
واقرا آيات الله ف كتابه
واحفظ سنة طه بقلبك
فعل الخير راح تلقى ثوابه
.....
ارعى حقوق الجار والجيرة
شاركه ف فرحه وف احزانه
غض الطرف وصون السيرة
ده حبيبنا وصانا عشانه
......
إسلامك مش بس الظاهر
إسلامك أخلاق وبصيرة
دينك حب وقلبك طاهر
بالبسمة مش بالتكشيرة
....
علشان ربنا وصى حبيبه
إن الجنات للطايعين
هتكون من حده ونصيبه
تبقى ثوابه يوم الدين
......
منى الغريب
ليست هناك تعليقات:
إرسال تعليق